VERSLAG BUUTEGALA 9 JANUARI 2019
Helga Cornellissen – Tanja Trucker
Tanja, dich kums euveral, in Bilbao.in Lech, dao mosze maar van haje
BH’s, slipjes…………alles waert dan ingelaje……..
Héél biezonjer, ein maedje dét op unne vrachwage geit wérke,
Dét is neet nieks, zeker zonne wage vol mit vérke……
Laje………..gein probleem, Tanja waggelt waal veur op,
Aansjloete………….d’r zit nieks angers op.
Probleme in ’t verkeer, file, doe mos wachte,
Tanja sjtilt de vérke gerös, geer höb gelök, ze beginne ein uurke later mit sjlachte!
Vriedig is de finale van ’t Limburgs Buuttekampioensjap, en Tanja is d’r biej,
Maedje veer winse dich allemaol väöl succes hiej in de Oranjerie,
Veurtaan heursze euveral………………..kiek dao höbse um,
Tanja Trucker……..uch applaus veur Helga Cornellissen oet Oostrum.
Jan Heffels – Johannes de 46e
Johannes, dich haajs eine hele grote wins,
Nao zoväöl jaor………..eindelik…………..jeugprins!
Dao ister……….Johannes de 46e reep gans Obbich in koor,
Neet te verwarre mit Johannes de 23e……………zien halfbroor.
Opa zol prins waere…………..man dao waas gét loos,
Hae zoot netjes te wachte……..veur de zaal…..in ein aaj doos,
Vol vertroewe………….trots…….en ouch heel bliej,
Maar ’t ging neet door, opins waas dao de sjötterie!
In Obbich goje ze gein appelsien maar un mandarijn,
Want veur groot fruit is ’t dörp väöl te klein,
En te weinig jeugd, zellefs de veurzitter mos aantraeje, ich dach waat noe,
Maar op ’t moment surpreme…..bleve de bein biej ……Mie………Toe!
Johannes dank zij dich kreeg de jeugprins ein héél anger gezich,
Uch daverend applaus veur Jan Heffelso et Obbich!
Roger Lataster – Harrie Slangen
En dan löp zo gét hiej nao binne…………
Wo mosze és prissentator in godsnaam beginne……….
Ich weit dét hae zich Harrie Slangen nump,
Maar weit ech neet waorom hae hiej kump.
En észe dings détse alles hubs gehad,
Begint hae euver ein relatie in ’t zjwumbad……
En dét zien vrouw hem oeteindelik ein dochter haet gesjonke,
Maar és papa is hae nooit ech oetgeblonke……..
Alhoewel……………iddere papa krieg waal unne flinke domper,
Esze nao de Zeeman mos veur zonne reuze romper!
Hae haet gelaoge 49 jaor, vurrige waek is Harrie Abraham gewaore,
Hae haet waal zien haor, maar neet zien sjtreek verlaore.
Dit heuglikke feit kinne veer neet zo maar veurbiej laote gaon,
Ich vraog uch allemaol ff te gaon sjtaon……
Harrie kom ins heel ff nao veure,
Dan bringe veer veur dich………Ouwe Bühl……….ten geheure…….
Roger nao dit optraeje waert oze bandj nag vaster,
Oet Kerkrao……………veur uch………..Roger Lataster!
Theo Nellen – Sjraar Clochard
Sjraar, ’t laeve van unne zjwérver is bikkelhél,
Gelökkig vonjs dich in deze duobak, in de mayonaise ein frikkandél,
Veur dich is zogét bliekbaar héél geweun,
Ouch al twiefels ze tösse gries en greun…………
Maar ein vrouw die dich oppe zenuwe wérk, dét is van de gékke,
Zeker esze zellef alles duis, kaoke en zowaal de taofel és de babysit dékke
En mansluuj waatse dan zaes……………kiek dao veur uut,
Zigk beveurbeeld nooit……..gij druut…….of ik druut………..
Want veur dét geer ut wit sjtaot geer op sjtraot,
En mot geer verder door ’t laeve mit de flés es maot.
Sjraar Clochard…………….in goede en sjlechte tijde,
Dit waas veur uch……Theo Nellen…..oet Venray – Heide !
Peter Vaassen – unne gepensioneerde ASO
Zo noe wit geer ‘t…….AOW beteikent op vandaag,
Aafgesjreve………….opgesodemietert………….weggejaag.
Doe wils waal, maar kumse oet dien nés, zaet diene TOM TOM
Mit ein hele leve sjtum…………..KEER OM……….KEER OM
Tuiniere……………..doe kriegs sjtank veur dank,
Dien vrouw zaet dien vot die sjnurk, es ze oetrös oppe bank.
Es gepensioneerde höbse van die dage,
Dan waersze zellefs mit hamersjlingere door unne Surinamer versjlage.
En mansluuj…geheime……….d’r is nag haop,
Maar dan waal nooit de graaschport aop………….
Dan bliev nieks euver van diene blinkend Harly,
Want van unne fiets mit twee laeg bénj waert nemes bliej.
Dit jaor in de Oranjerie geine Guido Weijers of Theo Maassen,
Naeh dit waas veur uch………..oet Beegde…………Theo Vaassen!
Björn Smits – Baerke de wérme bekker
…………….ein buut mit meerdere gezichte,
Kiek allein maar nao zien femilie, 12 tantes…..14 oomes, waovan 17 nichte……
Gaef hem de gelaegenheid om 57 seconde van uche tied te sjtaele,
En ich garandeer uch…….geer zult uch gein minuut vervaele!
Baerke……haajs dich gezeen……..wie de zaal keek,
Wie déts dich begos euver diene Harretjescake…………….
Jong, veur mich geine Maïzena………….dét vinj ich ech neet lekker,
Gein chronische bindingsangst, dus ich kom ech neet VEUR de bekker……….
Ich haaj waal ins geheurd van ein kat in ’t nauw………..
Maar bie dich sjreeuwde dudelik unne pauw.
Amandelkeukskes, kerskrénskes……..geer hub geheurd waat dét hae allemaol kindj,
Dit waas de buutekampioen van 2018..Björn Smits oet Nederweert – Indj.
Hay Huijs – accordeonist
Minse……………geer hub gemerk wie sjoon ’t is,
Same sjonkele en zinge…………..ff trök nao de basis,
Hae kreeg de juuste sjtumming en sfeer inne tent
Uch applaus veur Hay Huijs………oet de Boekend!
