VERSLAG BUUTTEGALA 2018
Goje middig…………………..leif luuj
Ein dieke waek nao aad op nuuj Nao de tied van de knien en van de haas
En de periode van makkers staakt uw wild geraas
Nao eine maondj wo-in meistal heel väöl gebeurd
Maar men zich noe neit direk van ’t lach bescheurd
Sjteit eindelik de buutteton weer veur uch klaor
En winse veer uch väöl gelök en ein gooj gezondjheid kómmend jaor !!!
Jo Clahsen:
Jo……..ich weit neet of ich ’t dich al ins höb vertild
Ein rijmbuut make ……is get, waat ich altied höb gewild
Zo van…….ich sjting oppe brök en duujde ein banaan in mien vot…….dan zuusze opins héél raar gezichte
Omdét ’t sjlotwaord mot rijme……….en neet allein maar dichte…….
Jo………de zaal haaj dudelik mit dich te doon,
Doe bös gepensioneerd………doe zols nieks meer hove doon
Van jaloezie in de zaal waas nieks te merke
Omdét de meiste neet meer hove werke
Ein rijmbuut euver pensioen en VUT
Dit waas veur uch………..Jo Clahsen oet Nuth.
Koen Verstappen:
Koen…….és de gezondjheid dich langzaam de rök toekeert
És ze alleins nag kins druime van alle dinge die detse vruiger höbs gepresteerd
Doe waers langzaam…….treks ein bietje mit ein bein
Zellefs de jeugd sjteit veur dich op in de trein……..
Veur al dien hobby’s kumse tied te kort
Bie ’t aete kriegse sjteeds minder op dien bord
Koen es nemes dich meer gét vreug
En oppe WC vilt de eine dröppel eers es de angere is opgedreug
En diene dokter zaet…..jong zit neet te klage, doe bös nag zo sjterk wie ein paerd
Koen……..dan wedde…….dat gee awwer waerd
Biste minse, ich vraog uch nag eine keer duchtig te klappen
Veur oze vrundj oet Meijel…………dit waas Koen Verstappen.
Pierre van Helden:
Jaerke…….dich höbs ós ruum inzich gegaeve
In dien aafwisselend huweliks laeve
Ich kin mich veursjtille détse gein minuut haajs wille misse
Sjtel dich veur détse oug nag ins waas gaon visse
Same mit Keub bös dich op internet eine echte vrouwekenner
Maar jonges……let estebleef waal oppe virusscanner
En manne, wilt geer nag gaer ins unne baby heure kreije….
Dan mot geer és opa……de motor duchtig laote dreije
Waal de aolie ververse……..zurg det dét gebeurd
Want angers lupse kans, det ’t babytje verkleurd
Pierre veer winse dich ……same mit die anger zes
Hiej in de Oranjerie…..in de buuttefinale väöl succes
Trots dét veer dich veur de 3e keer bie ós deilnömmers koste vermelden
Uch daverend applaus veur Pierre van Helden.
Katja Henz:
Zoots dich in de Bloomkuul in os Limburgse land
Daan pak uch ins allemaol vas bie de hand
Veuls dich gekke kriebels en tintels in dien blood
Ich kin dich belaove daan zit ste hei good.
Maedje…..dich kums natuurlik neet van dees bünne
Veurdét ich dich names SPEL höb moge pühne
En nao vanmiddig hóbs dich nag väöl meer fans
Oet Mestreech waas dit veur uch Katja Henz.
Henry van Geneijgen:
Henrietta…….höbse ein gelökkig huwelik mit Beer……zigk maar Baer
Kump zonne lover oet Helmond nao uch haer
Zonne Ricardo…………joggingbóks en sjportsjoon
Nag neet gepensioneerd, maar noe al nieks meer doon
In ’t begin dingkse laot gaon……nieks aan de handj
Maar dan kriegs dich unne cactus…….és karakterplantj
En sjnachs…….zo zaet meneer, geit hae nao de WC
Maar ziene kompas wies nao de sjlaopkamer van de dochter……ojee
Doe bös leefhöbster van Oil of Olaz, sjtrieks dich in van diene kop toet aan ’t vötje
De vraog is…….haols doe dét mit 1 pötje?
Toet sjlot haajs dich veur alle moders unne goje raod
Eine goje sjoonzoon herkinse aan ziene Limburgse praot
Henrietta, noe vilt jaomergenog ouch veur dich ’t dook
Dit waas Henry van Geneijgen oet Swartbrook.
Fer Naus:
Kapitein Ferry……………veer zin biezónjer vereerd
Dét geer ff biej SPEL zeet aangemeerd
Eine stoere bink oet ein welvarend geslach
Sjtoppe mit werke……………det haajt geer gedach
Naeh……..doorgaon toet de allerliste snik
Dingk maar aan ziene opa...Kaptain Iglo, ik denk dat ik in een vis stick
Men zaet det eine goje kapitein in edere have ein maedje haet
Ouch in hut 47…………ein makkie, zeker és dét maedje dich det zellef zaet
Noe ff euver dét van ónger sjaere, dich kums bliekbaar oet ein anger generatie
Doe geis mit zo’n vrouw nao bed en kieks dao nao nao ein foto van veur de operatie
Biste buutte vrunj…….de buuttekampioen 2017…….uch daverend applaus
Dit waas veur uch Fer Naus.
