Verslag Buuttegala 2017
QUINN HANSEN es Coureur in opleiding:
Diek 6 jaor geleje is alles zon bietje begosj...
op keuninginnedaag, op 't kerkplein in Hirkebosj.
Dien mam zag, dae Quinn wilt die bühn op, maar hae kint ech neet zinge,
mesjien kins dich ein buut sjrieve....dan kint der die ins bringe !
De eerste creatie waerde de goocheleer,
die boewsdes in de kelder ein eige theater, kwooms in de juuste sfeer.
Vervolges kwoom de communicantj,
en dich bereisdes es kampioen toen al sjtad en landj.
Es lifboy dees dich mit......veur de 3e keer,
en verdorie......doe lapdes 't weer !
'T jaor d'rop waerde in eine maondj sjnel nag ein buut in ein gesjtamp,
ongeluivelik, weer kampioen, mit introductiekamp waat eine ramp !
En zo wie ich in 't begin al hub gezag,
hubs dich es kampioen dees creatie in heel de provincie gebrach.
Ein nuuj fase is veur dich noe aangebraoke.....'t echte theater,
of dets dich door geis mit buutte, det zeen veer later......
Jong, doe moogs trots truuk kieke op waat 6 jaor geleje begos,
uch daverend applaus veur Quinn Hansen....oet Hirkebosj !!!!!
SYLVIA RAMAKERS es de Aw vrijsjter:
Vriegezelle zeet geer noe harsjtikke blindj....
ich weit zeker det geer nurges ein sjoner vruiwke vindj !
Kiek heur dao sjtaon, die oetsjtraoling, dae blik.....det gaaf gebit,
dit is ech ein vruiwke......wo pit in zit.
Sylvia om tösse dien blomme te sjoffele zeuks dich eine echte vent,
ich zol zegke probeer 't ins mit Mark Rutte, oze minister president....
en eindelik hubbe veer 't van ein vrouw zellef geheurd,
rondj loupe mit eine emme, eine dweil en ein fles allesreiniger, vindj geer ein gooj beurt !!
Sylvia nao 3 jaor wachte waas dich eindelik hiej.....veur os ein grote eer,
beste minse dit waas veur uch Sylvia Ramakers......oet Cadier en Keer !!!
PIERRE VAN HELDEN es Jaerke de misdaad versjlaaggaever:
Pierre, dich hubs os vanmiddig inzich gegaeve,
in dien humoristisch en succesvol buutte-laeve......
Jaerke......rrrrrrrrrrr......de Vries,
zegk maar....eine aafgekeurde plies !
Doe zits mit dien kuit ech euveral baovenop,
es 't mot zits dich de sauna zellefs op ziene kop !
en veer motte d'r toch neet aan dingke......
80% van de ongelökke waere veroorzaak door chauffeurs die neet dringke !
Doe haajs ouch nag ein advies: zurg detse dich in de gevangenis neet buks.....
en det haet bliekbaar get te make mit drugs.........
Pierre veer moogde veur de 2e keer diene naam op oze poster vermelden,
dames en here uch applaus veur Pierre van Helden !!!
HUB STASSEN es de Tiroler:
Hub, jaomer detse tössedoor nao Turkije bös gegange...
angers haaj diene wanjelsjtek vol mit plaetjes oet Tirol gehange....
Doe bös in Tirol ongerscheije......doe kins dao neet meer kepot,
dao zaet zellefs pesjtoor onger de communie taenge dich.....Grüsz Gott !
En es de sjoonmam haet geknooid......leuts dich nieks mèrke.....
ouch al zuut det leef vruiwke oet wie ein vèrke....
Ein verhaol mit belaeving, humor.......grote klasse,
gaer uch applaus veur nemes minder es......Hub Stassen!
PETER VAASSEN es de druimer:
Beste minse, det is veur Peter ech gesjneje kook,
druimen en zien sjpraekwoorde-book....
doe kins d'r dan ouch gerös op vertroewe....
det hae sjpraekwoordelik dien hoesz compleet geit verboewe....
Peter, dich nooms os mit nao de euverkantj......dien druimeilandj,
en dao waas werkelik van alles aan de handj !
Nao dit optraeje zeen veer de waereld van werkelikheid en fantasie iets ruimer,
dit waas veur uch......Peter Vaassen.......es de druimer !
GER FRENKEN es de maeteropnömmer:
Ger mit die goude horloge lags doe 't d'r waal heel diek baovenop....
es veer det haje geweite....waas nemes biej Essent gesjtop !!
Ich höb eigelik nooit gewete...
wie dets dich det sjtök van diene vinger haajs aafgeslete....
Maar noe kin ich det aan ederein vertelle...
det kump van allemaol det belle !
Knoje aan de maeter........det is doodzunj....
zellefs veur die 2......nae ich num gein name......oet Remunj !
Vriedig sjteit Ger mit dees buut in de finale, rondj 11 oer zeen veer dan sjlömmer,
uch daverend applaus veur Ger Frenken.....es de maeteropnömmer !!!!!
GILBERT PETIT es de vaandeldrager:
Gilbert, dich hubs ech ein flink sjtök in diene vaan.......
en daomit lups dich heel trots veuraan !
Doe brachs de rollende rrrrr weer toet laeve.....es Nölke,
maar dien Marie zag......naeh, naeh......neet zonger tuddelke om 't prölke !!
en manne, veer motte de mood neet drek in de sjoon laote roetsche....
waat gooj proeme motte bliekbaar eers good proetsche !!!!
Gilbert.....vrundj.......waat hubbe veer weer ontzettend van dich genaote.....
de vaandeldrager.......Gilbert Petit......oet Ulesjtraote !!!!!
SLOT:
Beste minse....nag eine keer .....in dees sjitterende accommodatie,
vraog ich dalik van uch ......ein sjtaonde ovatie !
Natuurlik veur al die artieste die hiej veur uch höbbe opgetraoje...
want 't waas TOP.....waat hiej waerde gebaoje !
Maar veural.......en det vinj ich magnifiek....
veur uch zellef, want geer waart ein geweldig publiek !!!!!!!!!!!!
